{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

「肉室」團隊

「肉室」團隊:

「精明眼」Ray:精打細算,奧數冠軍,格價格勻全香港。今餐想要四餸一湯定食九大簋,價錢一定幫你度到最抵!

「搵食大班」Dicky:捐窿捐罅搵食材,急凍肉類、飛機貨,你講得出,我搵得到。學識淵博,熟讀孫子兵法,唔同肉類部位知識,問我快過查字典!

「為食哥」Raoul:擁有大批粉絲,專搞fb粉絲團、大量IG團購Group,每星期都會「開心些牙」優惠資訊比團友,務求人人食好() 西,日日購物有Jetso



店主們的話:

熱愛美食,亦希望你地食到好嘅食材,從顧客角度出發努力為大家提供最好的食物品質,以精打細算和顧客為本的理念經營「肉室」。

隨著疫情過後,我地無論生活模式同出街用膳嘅習慣都有大大轉變。由本來經常逛街市、超市買餸嘅習慣,變成到各大網上超市平台落「柯打」。隨著互聯網不斷發展,幾乎所有嘅產品都可以網購,但究竟點先叫做一個優質嘅網購體驗呢?我地注重顧客一站式網購體驗,就在2023年年中,我地重新推出「肉室」網站,旨在簡化購物和付款流程、建立有規模會員積分制度,同時提供更多會員優惠和回贈計劃,令大家在點指之間已經可以買到心儀嘅優質食材。「摸上手」係我地一般人嘅購買食物嘅習慣,「唔摸過上手點知件貨靚唔靚、新唔新鮮?」咁網購究竟可以點「摸上手」?有見及此,我地就係你地嘅把關,肉室承諾唔優質、唔新鮮嘅食材,我地係絕地唔會提供比大家。為左滿足到不同層面、用途,平價到高級食材您都會起「肉室」搵到,今餐想煮蝦仁炒蛋,聽晚想煮西冷鋸扒,「肉室」幫到您!我地希望做到人人買餸唔洗行出街,足不出戶、彈指之間,人人都可以食好西。

最後,「肉室」願景未來發展計劃亦會透過不同渠道如參加義工、社企合作等多方面回饋社會,為品牌注入更多活力同創造更高價值,令品牌得以持續發展。

2023 年同往後尚有更多挑戰同學習空間,我地會繼續努力和不斷創新向大家提供更多優質的食材和服務。